ازاي كبرنا بسرعة كده
وازاي الحزن عشش فينا
ازاي بقينا بنضحك من بره
ونداري ألف دمعة في عنينا
ازاي ماشيين مع الموجة
و مستغربين كل إللي حوالينا
ازاي عايشين و بنتنفس
وبنموت في اللحظة مليون مرة
ازاي مع الدنيا بنعافر و نكمل
رغم خسارتنا كل إللي لينا
ازاي نجيب كلام يكفي
ويوصف قلوبنا الحرة
ازاي نعبر و نتكلم ونحكي
و احنا محبوسين في جرة
ازاي نتحمل هموم تاني
وأرواحنا مش حمل كمان ذرة
No comments:
Post a Comment